Инфекции на уринарен тракт: симптоми, причини и третман

Photo - 2

Инфекциите на уринарниот тракт се честа појава кај жени, но можат да ги погодат и мажите и децата. Тие се предизвикани главно од бактерии, најчесто Escherichia coli, кои влегуваат во уринарниот систем преку уретрата и предизвикуваат инфекции на мочниот меур (циститис) или, во потешки случаи, на бубрезите (пиелонефритис).

Симптоми

Симптомите може да варираат во зависност од локацијата и сериозноста на инфекцијата, но најчестите симптоми вклучуваат:

Чувство на печење при мокрење
Често уринирање со мала количина на урина
Болка во долниот дел на стомакот или долниот дел на грбот
Матна или крвава урина со непријатен мирис
Треска и замор, особено ако инфекцијата е посериозна и ги зафаќа бубрезите

Причини и ризик фактори

Жените имаат поголем ризик за уринарни инфекции поради анатомските фактори – пократка уретра и близина на уретрата до анусот, што го олеснува пристапот на бактериите до мочниот меур. Други ризик фактори вклучуваат:

Сексуална активност
Бременост
Постменопауза, кога има намалена продукција на естроген
Проблеми со уринарниот тракт како камења во бубрезите или користење катетер

Дијагноза

За да се дијагностицира инфекција на уринарен тракт, најчесто се користи тест со анализа на урина, кој покажува присуство на бактерии, бели крвни клетки или нитрити. Понекогаш, се прави и бактриска култура на урина за да се утврди кој вид на бактерии предизвикува инфекција и кои антибиотици ќе бидат најефективни за третман.

Третман

Инфекции на уринарен тракт најчесто се третираат со антибиотици. Лекарите обично препишуваат акутна терапија од 3 до 7 дена, зависно од сериозноста на инфекцијата и историјата на пациентот. Важно е да се заврши целиот курс на антибиотици, дури и ако симптомите исчезнат порано, за да се избегне повторување или појава на отпорност на бактерии. За ублажување на симптомите, може да помогне пиењето повеќе течности и употребата на топли облоги на долниот дел на стомакот.