Кога размислуваме за сува кожа, најчесто ја поврзуваме со студените зимски месеци. Но, вистината е дека кожата може да се исуши и во текот на летото, па дури и да стане уште поосетлива.
Зошто се суши кожата во лето?
Иако влажноста во воздухот во текот на летото е повисока, повеќе фактори можат да доведат до нарушување на хидролипидната бариера на кожата:
- Сончева изложеност: УВ-зраците предизвикуваат оштетување на заштитниот слој на кожата, што доведува до зголемено губење на влага и воспаление .
- Климатизирани простории: Долготрајниот престој во простории со клима-уреди доведува до дехидратација на кожата поради сувиот воздух.
- Капење во море или базен: Солта и хлорирана вода ја отстрануваат природната маст од површината на кожата, што води до чувство на затегнатост и лупење.
Кои се симптомите на сува кожа во лето?
- Чувство на затегнатост по капење
- Грубост и лупење
- Иритации и црвенило
- Јасно видливи линии и дехидрирани области
Како да ја заштитиш кожата?
- Користи лесни, но хидратантни креми со состојки како хијалуронска киселина, глицерин или церамиди.
- Нанеси SPF секојдневно, дури и кога е облачно.
- Пиј доволно течности, хидратацијата започнува одвнатре.
- Избегнувај долго туширање, практикувај кратко туширање со млака вода.
