Дебелеењето често се поврзува со лоша исхрана и прекумерен внес на калории. Но, постојат и други фактори кои можат брзо да доведат до зголемување на телесната тежина, дури и кај лица што се хранат правилно. Овие фактори се често занемарени, но имаат значајно влијание врз метаболизмот и хормоналната рамнотежа.
1.Недоволно спиење
Кога не спиеме доволно, телото го нарушува природниот хормонски баланс. Се зголемува хормонот што предизвикува глад, а се намалува хормонот што ни кажува дека сме сити. Во исто време, недоспивањето го забавува метаболизмот, што значи дека телото троши помалку енергија и полесно складира масти.
2.Хроничен стрес
Долготрајниот стрес влијае врз лачењето на кортизол, хормон кој го поттикнува телото да складира масти, особено во пределот на стомакот. Овој процес се одвива дури и ако не јадеме повеќе од вообичаено. Телото го чувствува стресот како закана и се „подготвува“ така што создава енергетски резерви.
3.Недоволна хидратација
Кога телото не е доволно хидрирано, може да ги испрати истите сигнали како кога е гладно. Многу луѓе мислат дека се гладни, а всушност им треба вода. Исто така, водата е важна за нормално функционирање на метаболизмот без неа, телото побавно ја преработува храната и енергијата.
4.Хормонални нарушувања
Некои хормонални состојби како намалена функција на тироидната жлезда, полицистични јајници или инсулинска резистенција можат да доведат до дебелеење, без разлика на исхраната. Овие состојби влијаат врз тоа како телото ја користи и складира енергијата.
5.Недостаток на физичка активност
Дури и со здрава исхрана, недостатокот на физичка активност може да доведе до дебелеење. Телото кое не се движи редовно полесно складира масти. Активноста не мора да биде интензивна и секојдневно одење пеш или лесни вежби можат да направат разлика.
Не секое дебелеење е резултат на прејадување. Недоспивањето, стресот, хормоналниот дисбаланс, недостатокот на вода и физичка неактивност може да бидат тивки, но моќни причини за зголемување на килограмите. За да се постигне и одржи здрава телесна тежина, потребно е да се гледа на телото како целина не само преку исхраната, туку и преку навиките, рутината и животниот стил.
